Reynaldo vətənində xeyriyyə matçı təşkil edəcək

"Qarabağ"ın hücumçusu Reynaldo zədəli olduğu üçün vətəni Braziliyada bərpa kursu keçsə də, vaxtını boş keçirmir. Azerisport.az xəbər verir ki, o, dekabrın 26-da vətənində xeyriyyə matçı təşkil etməyə hazırlaşır.

Qarşılaşma "Reynaldonun dostları" və "Valdivanın dostları" komandaları arasında baş tutacaq. Hansı ki, analoji görüş ötən il də baş tutmuşdu.

Oyun "Koarisi da Mata Fonseka" stadionunda keçiriləcək. Bu oyunu izləmək istəyənlər 5 ABŞ dolları və ya 1 kq ərzaq verməlidirlər. Xeyriyyə matçından götürüləcək gəlirin Braziliyadakı ehtiyacı olan imkansız şəxslərə paylanılacağı bildirilir.