Kazbek Tuayev: Robert Prosineçki seçimimiz özünü doğrultdu

Bu gün Azərbaycan futbolunun canlı əfsanəsi Kazbek Tuayevin 75 yaşı tamam olur. Azerisport.az xəbər verir ki, yubilyar bu münasibətlə qonşu Rusiya mətbuatına geniş müsahibə verib.

O, bu müsahibədə yığmamızı çalışdırmış Berti Foqts, eləcə də millimizin indiki baş məşqçisi Robert Prosineçki barədə də danışıb.

- Berti Foqtsun Azərbaycanla mentaliteti üst-üstə düşmürdü. Bizim əsas üstünlüyümüz hücumdur, improvizasiyadır. Amma Foqtsun təbiətində ancaq müdafiə, dağıdıcılıq var idi. O, həm də braziliyalı Karlos Alberto Torresin aqibətini yaşamaqdan qorxurdur. Foqtsdan əvvəl çalışan bu mütəxəssis də əla məşqçi idi! Amma Polşaya 0:8 hesablı məğlubiyyətdən sonra ərizəsini yazdı. Bu üzdən də Foqts oyunu müdafiədən qurmağa üstünlük verdi. Azərbaycan - Türkiyə oyununda Foqtsun gözlərindəki çaşqınlığı hələ də yaxşı xatırlayıram. Çünki o, yığmamızın bu qədər kəskin hücumlar qurmağa qadir olduğuna inana bilmirdi.

- Təxminən bir ildir yığmanı Robert Prosineçki çalışdırır. Onunla söhbətiniz olub?
- Bəli. Həm rusca danışır, həm də azərbaycan dilində danışmağa cəhd göstərir. O, daimi olaraq Bakıda yaşayır. Ailəsini da buraya gətirib. Çempionatın demək olar ki, bütün oyunlarına gedir. Bu mütəxəssisin rəhbərliyi altında yığmamız daha yaxşı oynamağa başlayıb. Prosineçkini seçməklə səhv etməmişik. Baxmayaraq ki, federasiya rəhbərliyi bir neçə mütəxəssislə danışıq aparırdı. İcraiyyə Komitəsinin iclasında 25 namizədlə bağlı müzakirə aparmışdıq. Roberto Mançinidən Martin Yola qədər.

- Siz də yaxşı formadasınız. Məşqçiliyi atmağa tələsmədiniz?
- Davam etsəydim,75 yaşıma qədər dəqiq çatmazdım. Mənim yaşımda sağlamlıqla zarafat etmək olmaz. Həm də mən məşqçi çalışmaqdan yoruldum.