Petev: Azərbaycan Sofiyada pis oynamadı, biz onlara istədikləri kimi çıxış etməyə imkan vermədik
Bolqarıstan yığmasının baş məşqçisi İvaylo Petev AÇ-2016-nın seçmə mərhələsi çərçivəsində Sofiyada Azərbaycan üzərində qazandıqları 2:0 hesablı qələbəni yada salıb. Azerisport.az xəbər verir ki, o, bunları söyləyib:
"Rəqibi hər zaman düzgün qiymətləndirmək lazımdır. Mənim üçün Azərbaycanla oyun ən yaxşılardan biri idi. Komandamızın həmin oyundakı çıxışı çox xoşuma gəldi. Futbolçularımız hər iki hissədə aqressiv futbol sərgilədilər, top saxladılar, oyuna nəzarəti tam əldə saxladılar. Həmin oyun ərəfəsində maraqlı fikirlər var idi. Guya Azərbaycan yığması dəhşətli dərəcədə zəifdir, heç bir futbol ənənələri yoxdur. Amma unudurdular ki, bu komnda Norveç və Xorvatiyadan xal almışdı. Özü də Robert Prosineçkinin rəhbərliyi altında altı ay idi məğlubiyyət tanımırdı. Azərbaycan yığması Sofiyada pis oynamadı, sadəcə, biz onlara istədikləri kimi çıxış etməyə imkan vermədik".
