"Qəbələyə qol vurmağı çox istəyirdim"

Almaniyanın "Borussiya" (Dortmund) klubunun hücumçusu Pyer-Emerik Obameyanq Avropa Liqasının qrup mərhələsi çərçivəsində "Qəbələ"yə qarşı keçirdikləri oyunu şərh edib. Azerisport.az xəbər verir ki, o, komandasının 4:0 hesablı qələbəsi ilə bağlı bunları söyləyib:

"Pley-offa vəsiqəni təmin etməyimiz əla oldu. Marko Roysun vurduğu ilk qol bizim üçün vacib idi. Qol tam lazım olan vaxtda gəldi. O, bizi gərginlikdən xilas etdi. Yaxşı qol idi. Ondan sonra bizim üçün oynamaq daha da asanlaşdı. Bir neçə qol şansını əldən versəm də, yenə fərqlənməyi bacardım. Çünki qol vurmağı çox istəyirdim. Bu oyunda qol vurmaq mənim üçün vacib idi".