Vaqif Sadıqov: Qarabağ qalib gələ bilər
AFFA Məşqçilər Komitəsinin üzvü Vaqif Sadıqov Avropa Liqasının qrup mərhələsinin dördüncü turu çərçivəsində bu gün növbəti matçına çıxacaq "Qarabağ"la "Qəbələ"nin şansları barədə danışıb. Azerisport.az saytına açıqlamasında o, bunları söyləyib:
"Qarabağ" üçün "Monako" ilə oyun həlledicidir. "Monako" üzərində qələbə qrupdan çıxmaq şanslarını artıracaq. Ona görə də Ağdam klubu bu oyunda var gücünü qoymalıdır. Fransadakı oyun göstərdi ki, "Monako"nu məğlub etmək olar.
"Qəbələ"yə gəlincə, reallıq komandamızın əleyhinədir. "Borussiya" ilə matçın nəticsindən asılı olmayaraq, istənilən halda komandamızın müəyyən şansı var. PAOK və "Krasnodar"la oyunlarda qalib gəlməklə ikinci pilləyə yüksəlmək olar. "Qəbələ" səfər oyunlarında həmişə yaxşı təsir bağışlayıb. Ümid edirəm ki, Almaniyada da belə olacaq".
