Ramiz Məmmədov: Qarabağ - Monako matçından heç-heçə gözləyirəm

Azərbaycanlı futbol mütəxəssisi Ramiz Məmmədov Avropa Liqasının qrup mərhələsinin dördüncü turunda meydana çıxacaq "Qarabağ" və "Qəbələ"nin bu günkü oyunları ilə bağlı proqnozlarını açıqlayıb. Azerisport.az saytına açıqlamasında o, bunları söyləyib:

"Qəbələ" "Borussiya"ya qarşı Bakıdakı oyunda pis çıxış etmədi. Sadəcə, ustalıq səviyyəsi sonda öz sözünü dedi. Digər tərəfdən biz bu turnirin qrup mərhələsində debütant olan bir komandadan çox şey gözləyirik. Mənə elə gəlir ki, "Qəbələ"nin səfərdə bu rəqibinə hətta minimal hesabla uduzması da pis nəticə sayılmamalıdır.

"Qarabağ"a gəlincə, "Monako" ilə oyundan heç-heçə gözləyirəm. Buna səfərdəki oyunda da nail olmaq olardı. Amma bir səhv buna mane oldu".