Ağasəlim Mircavadov: Monako çox güclü olsaydı, ÇL-də oynayardı

Azərbaycanlı futbol mütəxəssisi Ağasəlim Mircavadov Avropa Liqasının qrup mərhələsinin dördüncü turunda Fransanın "Monako" klubunu qəbul edəcək "Qarabağ"ın şanslarını dəyərləndirib. Azerisport.az saytına açıqlamasında o, bunları söyləyib:

"Qarabağ"dan qələbə gözləyirəm. "Monako" ilə səfər oyunu Ağdam klubunun problemlərini göstərdi. Amma "Monako" da əvvəlki qədər güclü deyil. Çox güclü olsaydılar, Çempionlar Liqasında oynayardılar. Bu komanda səfərdə də yaxşı oynamağı bacarır. Ən azından Fransa çempionatında belədir. Hücumçularını mümkün qədər diqqətdə saxlamaq, onları zərərsizləşdirmək lazımdır. Rəqibin standart vəziyyətləri zamanı da diqqətli olmaq vacibdir. "Qarabağ"a dolu tribunalar və güclü dəstək çox lazımdır".