"Əsas Neftçinin futbolçusunun öz sözünü meydanda deməsidir, ondan kənarda danışmaq problem deyil"
"Neftçi"nin mətbuat xidməti komandanın üzvü Fəhmin Muradbəyliyə mediaya açıqlama verməklə bağlı qadağa qoyulması barədə xəbərlərə münasibət bildirib. Klubdan azerisport.az saytına verilən açıqlamada bunlar qeyd olunub
"Fəhminin karyerasında elə bir dövrdür ki, o, daha çox oynamalı və öz potensialını açmalıdır. "Sumqayıt"la oyundan sonra o, fikirlərini klubun rəsmi saytına açıqlamasında bildirib. Hər bir oyundan sonra futbolçularımız "miks-zona"da jurnalistlərin suallarını cavablandırırlar. Ona görə də bu məsələdə heç bir problem ola bilməz. Əsas Fəhminin öz sözünü meydanda deməsidir, meydandan kənarda danışmaq problem deyil. Bir sözlə, heç bir qadağa yoxdur, bundan söhbət də gedə bilməz. Qadağa olduğunu düşünən jurnalistlərin hər biri klubun mətbuat xidməti ilə əlaqə saxlayıb, istənilən futbolçunun fikrini öyrənə bilər".
