Muxtar Babayev Sumqayıtı XL və Qarabağ üzərindəki qələbəyə görə təbrik etdi

Bu gün “Sumqayıt” Futbol Klubunun məşqindən əvvəl “Azərikimya” İstehsalat Birliyinin Müşahidə Şurasının sədri, millət vəkili eyni zamanda klubun Müşahidə Şurasının üzvü Muxtar Babayev komanda üzvləri ilə görüşüb. Azerisport.az xəbər verir ki, Babayev öz növbəsində “Sumqayıt”ın son nəticələrinin uğurlu olması və bu gün peşə bayramını qeyd edən kimyaçılar adından komandaya xoş arzularını çatdırıb.

Eyni zamanda, kapitan Vurğun Hüseynov kimyaçıların 70 illik yubileyi münasibəti ilə Muxtar Babayevi təbrik edib və öz uğurlu oyunları ilə onları sevindirəcəklərini bildirib.

Sonda xatirə şəkli çəkdirilib.