Maksim Medvedev: Başqa komandalardan fərqli, Rəvan Qarabağdan qorxmurdu
"Qarabağ"ın müdafiəçisi Maksim Medvedev Topaz Premyer Liqasının 10-cu turu çərçivəsində "Rəvan"a qarşı keçirdikləri oyunu (1:0) şərh edib. Azerisport.az saytına açıqlamasında o, bunları söyləyib:
"Biz son dövrlər qələbə qazana bilmirdik. Öncə "Monako"ya, ardından "Sumqayıt"a uduzduq. Ona görə də bu matça ciddi hazırlaşmışdıq. Qələbə qazanmaq üçün əlimizdən gələni etdik. "Rəvan"ın oyunu bizim üçün sürpriz oldu. Onlar çox yaxşı oynadılar. Heyətdə daha çox gənc futbolçuların yer almasına baxmayaraq, oyuna yaxşı nəzarət edirdilr. Başqa komandalar "Qarabağ"a qarşı fərqli oynayırlar. Amma "Rəvan" "Qarabağ"dan qorxmurdu, bizə qarşı məzmunlu futbol sərgilədilər. Rəqibin də qol imkanları olurdu. Sadəcə, "Qarabağ"a bu oyunda 3 xal çox lazım idi. Bizim üçün hansı hesabla qalib gəlməyin fərqi yox idi. Üstəlik, "Rəvan" müdafiədə çox diqqətli çıxış etdi. Bizə elə də çox qol vəziyyəti yaratmağa imkan vermədilər".
