Murad Ağayev: Lənkəranda bizi ancaq qələbə qane edəcək
"Sumqayıt"ın yarımmüdafiəçisi Murad Ağayev Topaz Premyer Liqasının 10-cu turu çərçivəsində "Xəzər Lənkəran"a qarşı keçirəcəkləri oyun öncəsi fikirlərini bölüşüb. Azerisport.az saytına açıqlamasında o, bunları söyləyib:
"Xəzər Lənkəran"la oyunda bizi ancaq qələbə qane edəcək. "Qarabağ"la oyunda qazandığımız uğuru Lənkəranda da təkrarlamaq istəyirik. Öz oyunumuzu sərgiləməyə çalışacağıq. Ağdamlılara qarşı sərgilədiyimiz oyundan razı qaldım. Hər birimiz baş məşqçinin bütün tapşırıqlarını yerinə yetirməyə çalışdıq. Samir Abasov rəqibin kimliyindən asılı olmayaraq, meydanda öz işimizi görməyi tapşırır. "Qarabağ"la oyuna da 3 xal üçün çıxmışdıq. Başqa nəticə barədə düşünmürdük. "Qarabağ"ın bizi düzgün qiymətləndirmədiyi barədə fikirlərlə razı deyiləm. Qurban Qurbanov özü də demişdi ki, "Sumqayıt"la oyunlar onlar üçün çətin alınır".
