Paytaxt derbisi ilə bağlı cəzalar açıqlandı

Bu gün AFFA İntizam Komitəsinin növbəti iclası keçirilib. Azerisport.az xəbər verir ki, aparılan müzakirələrdən sonra Topaz Premyer Liqasının, eləcə də əvəzedicilərin çempionatının 9-cu turunun oyunları ilə bağlı aşağıdakı qərarlar qəbul olunub:

AZAL – “Neftçi” matçının 90+4-cü dəqiqəsində “Neftçi”nin futbolçusu Jayro Rodriqes sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 1 oyunluq cəzalanıb, klubu 200 manat cərimə olunub.

Maraqlıdır ki, əvəzedici heyətlərin yarışında da yalnız AZAL - “Neftçi” matçı ilə bağlı cəza verilib. Bu qarşılaşmanın 82-ci dəqiqəsində AZAL-ın futbolçusu Əfsər Məmmədov ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klubu 100 manat cərimə olunub.