Neftçi AZAL-a da məğlub oldu
Bu gün Topaz Premyer Liqasında 9-cu tura start verilib. Azerisport.az xəbər verir ki, dövrənin son turunun ilk oyun günündə bir görüş baş tutub.
Günün yeganə matçında AZAL "Neftçi"ni qəbul edib. Son turda "Qəbələ"yə məğlubiyyətdən sonra istefa vermək istəyən, amma rəhbərliyin postunda saxladığı Samir Əliyevin paytaxt derbisindən qalib ayrılması şərt idi. Cari mövsüm çox uğursuz çıxış edən Tərlan Əhmədovun komandası üçün isə bu rəqibdən hətta bir xal almaq da ciddi nailiyyət sayıla bilərdi. Amma heç kimin gözləmədiyi halda, "təyyarəçilər" iddialı rəqibini məğlub yola salmaqla turun əsas sensasiyalarından birinə imza atıb.
Topaz Premyer Liqası
9-cu tur
23 oktyabr (cümə)
AZAL - “Neftçi” - 2:1 (1:0)
Qollar: N.Kvirtiya, 24-pen. (1:0). R.Qurbanov, 57 (1:1). A.Qurulu, 90+4-pen. (2:1).
Hakimlər: Ramil Diniyev, Rahil Ramazanov, Elman Musayev, Nail Nağıyev.
Bakı. “AZAL Arena”.
AZAL: 16. Stanislav Namaşko, 2. Rail Məlikov (k), 3. Tural Hümbətov, 24. Emin Cəfərquliyev, 4. Qvanzan Maqomedov, 14. İlqar Ələkbərov, 6. Tagim Novruzov, 21. Murad Səttarlı, 10. Nuqzar Kvirtiya, 27. Aleksandr Quruli, 9. Aydın Qasımov.
Ehtiyat oyunçular: 1. Amil Ağacanov, 20. İsmayıl İbrahimli, 11. Ruslan Nəsirli, 5. Kamil Hüseynov, 19. Məhəmməd Bədəlbəyli, 22. Kamal Mirzəyev, 28. Müşfiq Teymurov.
Baş məşqçi: Tərlan Əhmədov.
“Neftçi”: 1. Aqil Məmmədov (k), 3. Filyo Jayro Rodriqes, 4. Rahil Məmmədov, 6. Aylton Silva, 11. Ruslan Qurbanov, 14. Məhəmməd Qurbanov, 15. Erik Ramos, 17. Rəhman Hacıyev, 18. Kaue da Silva, 21. Samir Məsimov, 26. Kamal Qurbanov.
Ehtiyat oyunçular: 24. Mixal Peskoviç, 8. Elşən Abdullayev, 16. Əziz Quliyev, 27. Məqsəd İsayev, 95. Elvin Bədəlov, 45. Kamran Nəcəfzadə, 10. Cavid İmamverdiyev.
Baş məşqçi: Samir Əliyev.
Turun digər oyunları: 24 oktyabr (15:00. “Kəpəz” - “Xəzər Lənkəran”, 17:00. “İnter” - “Rəvan”). 25 oktyabr (17:00. “Qəbələ” - “Zirə”, 19:00. “Sumqayıt” - “Qarabağ”).
Bombardirlər:
5 - Riçard Almeyda ("Qarabağ").
4 - Aleksey Qay ("Qəbələ"), Aleksey Antonov ("Qəbələ"), Samuel Armenteros ("Qarabağ").
