Qarabağın Monako ilə matçı danimarkalılara həvalə olundu

Avropa Liqasının qrup mərhələsi çərçivəsində "Qarbağ"la Fransanın "Monako" klubu arasında keçiriləcək oyunun hakimləri açıqlanıb. Azerisport.az xəbər verir ki, UEFA bu qarşılaşmanı Danimarkadan olan hakimlərə həvalə edib.

Matçın baş hakimi Yakob Kelet olacaq. Ona Henrik Larsenlə Heyne Sorensen yardım edəcək. Dördüncü hakim funksiyasını isə Lars Hummelqaard yerinə yetirəcək.

Qeyd edək ki, "Monako" - "Qarabağ" matçı oktyabrın 22-də "Lui II" stadionunda keçiriləcək və saat 22:00-da start götürəcək.