Mxitaryan: Azərbaycana viza alındığını dəqiq bilməsəm də, oyuna hazırlaşıram

Almaniyanın "Borussiya" klubunun erməni legioneri Henrix Mxitaryan bəyan edib ki, o, Avropa Liqasının qrup mərhələsi çərçivəsində qarşılaşacaqları "Qəbələ" ilə oyuna hazırlaşır. Azerisport.az xəbər verir ki, Bundesliqanın son turunda keçirilmiş "Maynts"la qarşılaşmadan sonra jurnalistlər ona Azərbaycana viza alıb-almadığına dair sual veriblər.

Ermənistan yığmasının üzvü suala belə cavab verib: "Bilmirəm. Pasportum məndə deyil. Bunu rəhbərlikdən soruşmağınız yaxşı olar. Mən oyuna hazırlaşıram".

Qeyd edək ki, "Qəbələ" - "Borussiya" matçı oktyabrın 22-də Bakıda keçiriləcək və saat 22:00-da start götürəcək.