Çumbinyo dönüşündən danışdı

"Qarabağ"ın yarımmüdafiəçisi Çumbinyo uzunmüddətli zədədən sonra ilk dəfə meydana çıxmasına münasibət bildirib. Azerisport.az saytına açıqlamasında o, Topaz Premyer Liqasının 8-ci turu çərçivəsində "Zirə"yə qarşı keçirdikləri görüşdən (4:1) sonra bunları söyləyib:

"Tanrıya minnətdaram ki, yenidən mənə yaşıl meydanlara qayıtmaq imkanı yaratdı. Ailəmə, klubuma mənə göstərdikləri dəstəyə görə təşəkkürümü bildirirəm. Onlar da mənim sağalmağımı intizarla gözləyirdilər. Ümid edirəm ki, bu qayıdışım uzunmüddətli olacaq. "Qarabağ"ın bundan sonra da uğurlu çıxış etməsi üçün əlimdən gələni edəcəyəm. Qurban Qurbanov futbolçulara qiymət verməyi bacarır. "Monako" ilə oyunda da kimin oynayacağını ən yaxşısı o bilir. Əlbəttə, belə bir qrupda mübarizə aparmaq bizim üçün çətindir. Amma rəqiblərimiz nə qədər güclü olsa da, mümkünsüz heç nə yoxdur".

Qeyd edək ki, Çumbinyo "Qarabağ" - "Zirə" matçının start heyətində meydana çıxsa da, 69-cu dəqiqədə əvəzlənib.