Millimiz seçmə mərhələyə məğlubiyyətlə yekun vurdu
Bu gün futbol üzrə Azərbaycanın əsas yığma komandası növbəti matçına çıxıb. Azerisport.az xəbər verir ki, yığmamız AÇ-2016-nın seçmə mərhələsindəki sonuncu - onuncu oyununda Bolqarıstanın qonağı olub.
Qeyd edək ki, Bolqarıstan Azərbaycan yığması üçün tanış rəqib idi. Belə ki, millimiz 2004-cü ildə bu komanda ilə Bakıda yoxlama oyunu keçirib. Həmin görüş qolsuz başa çatıb. Komandalar arasında bu seçmə mərhələ çərçivəsində baş tutan ilk rəsmi qarşılaşmada isə bolqarlar Bakıda 2:1 hesablı qələbəyə sevinmişdilər. İndi millimiz ilk dəfə bu rəqibinə qalib gəlmək şansına malik idi. Amma çox təəssüf ki, bolqarlar bu dəfə iki cavabsız qolla üstün olublar və millimizin qisas almaq, seçmə mərhələyə uğurlu nəticə ilə yekun vurmaq arzusu gerçəkləşməyib.
Əslində, bolqarlar millimizlə görüşdə aşkar favorit idilər. Azərbaycan yığmasının bu rəqibdən hətta 1 xal alması da uğur kimi qiymətləndiriləcəkdi. Amma təbii ki, millimiz qələbə qazanmaqla çox böyük sürprizə də imza ata bilərdi. Düzdür, mümkün qələbə yığmamıza hansısa ciddi uğur qazandırmayacaqdı. Lakin komandamız ən azı 3 xal qazanmaqla bolqarları turnir cədvəlində qabaqlaması mümkün idi. Məğlubiyyət nəticəsində komandamız elə 5-ci pillədə qalıb.
AÇ-2016-nın seçmə mərhələsi
H qrupu
13 oktyabr
Bolqarıstan - Azərbaycan - 2:0 (1:0)
Qollar: M.Aleksandrov, 20 (1:0). D.Rangelov, 56 (2:0).
Sarı vərəqə: İ.İvanov, 15. R.Sadıqov, 48. R.Əmirquliyev, 77. Q.Qarayev, 79. D.Rangelov, 79. S.Dyakov, 83. G.Milanov, 90.
Baş hakim: Tamaş Boqnar (Macarıstan).
Sofiya. "Vasil Levski" stadionu.
Bolqarıstan: 1. Bojidar Mitrev, 3. Aleksandr Aleksandrov, 5. İvo İvanov, 6. Yordan Minev, 20. Jivko Milanov, 7. Mixail Aleksandrov (16. Simeon Slavçev, 80), 10. İvelin Popov (11. Ventsislav Xristov, 65), 17. Georgi Milanov, 21. Svetoslav Dyakov (k), 23. Xristo Zlatinski, 8. Dimitar Rangelov (22. Todor Nedelev, 88).
Ehtiyat oyunçular: 13. Blaqoy Makendjiyev, 12. Plamen İliyev, 2. Straxil Popov, 4. Asen Georgiyev, 15. İvan İvanov, 18. Anton Nedyalkov, 9. Anton Karaxanakov, 14. Georgi Kostadinov, 19. Aleksandr Tonev.
Baş məşqçi: İvaylo Petev.
Azərbaycan: 1. Kamran Ağayev, 5. Maksim Medvedev (21. Arif Daşdəmirov, 62), 14. Rəşad Sadıqov (k), 15. Ruslan Abışov, 20. Məhəmməd Mirzəbəyov, 2. Qara Qarayev (8. Eddi İsrafilov, 81), 13. Dmitri Nazarov, 19. Rahid Əmirquliyev, 22. Əfran İsmayılov, 10. Ruslan Qurbanov, 17. Elnur Cəfərov (11. Toğrul Erat, 67).
Ehtiyat oyunçular: 23. Anar Nəzirov, 12. Aqil Məmmədov, 4. Pavel Paşayev, 16. Tərlan Quliyev, 6. Rəşad Sadiqov, 9. Elvin Məmmədov, 18. Rəhman Hacıyev.
Baş məşqçi: Robert Prosineçki.
