Qara Qarayev: İtaliya kimi rəqiblə oyunda hücuma keçmək çox çətindir

Azərbaycan yığmasının yarımmüdafiəçisi Qara Qarayev AÇ-2016-nın seçmə mərhələsi çərçivəsində İtaliyaya qarşı keçirilmiş oyunla bağlı fikirlərini bölüşüb. “Qarabağ”ın şərəfini qoruyan futbolçu azerisport.az saytına müsahibəsində millimizin 1:3 hesablı məğlubiyyətini belə şərh edib:

"Biz Maltaya yox, İtaliyaya qarşı oynayırdıq. Belə rəqibə qarşı oyund hücuma keçmək çox çətin olur. Ona görə də ehtiyatlı oynayırdıq. Hətta hesabda geri olarkən də ehtiyatlı oynamağa çalışırdıq. Bədavi Hüseynovun qırmızı vərəqə almasına gəlincə, onun Bolqarıstanla oyunda olmaması bizə problem yaradacaq. Amma ümid edirəm ki, Robert Prosineçki doğru olan variantı tapa biləcək".