Azərbaycan - İtaliya matçına 35 min bilet satılıb

AÇ-2016-nın seçmə mərhələsi çərçivəsində sabah keçiriləcək Azərbaycan - İtaliya oyununa bilet satışı davam edir. Azerisport.az xəbər verir ki, artıq bu oyuna 35 000 bilet satılıb.

Lakin bu göstərici ötən günə olan məlumatdır. Belə ki, bu gün və sabah da bilet satışında artım gözlənilir.

Qeyd edək ki, Azərbaycan - İtaliya qarşılaşması oktyabrın 10-da Bakı Olimpiya stadionunda keçiriləcək və saat 21:00-da start götürəcək. Sözügedən arena 69 800 azarkeş tutur.