Zaur Svanadze: Qarabağa qalib gəlmək istəyirik

"İnter"in baş məşqçisi Zaur Svanadze Topaz Premyer Liqasının 7-ci turu çərçivəsində "Qarabağ"a qarşı keçirəcəkləri oyun öncəsi fikirlərini açıqlayıb. Azerisport.az saytına açıqlamasında o, bunları söyləyib:

"Yaxşı oyun göstərmək istəyirik. Buna nə dərəcədə nail olacağımızı zaman göstərəcək. Rəqibin statusundan asılı olmayaraq, təbii ki, qələbə qazanmaq istəyirik. Təəssüf ki, Dieqo Martins cəzalı durumda olduğuna görə oynaya bilməyəcək. Bu, bizim üçün böyük itkidir. Amma başqa futbolçularımız da var. İndi onun əvəzində meydana çıxacaq futbolçu özünü göstərməlidir".