Ansi Aqolli: Səhv edən təkcə İbrahim Şehiç deyildi

"Qarabağ"ın müdafiəçisi Ansi Aqolli Avropa Liqasının qrup mərhələsinin ikinci turu çərçivəsində Belçika "Anderlext"inə qarşı keçirdikləri oyunu şərh edib. Albaniyalı müdafiəçi azerisport.az saytına açıqlamasında 2:1 hesablı qələbə qazandıqları görüşlə bağlı bunları söyləyib:

"Ağır oyun oldu. Amma biz nəhayət ki, ilk qələbəmizi qazanmağa nail olduq. Qrupumuz asan deyil. Lakin biz mübarizəmizi davam etdirəcəyik. İbrahim Şehiçin buraxdığı səhvlərə gəlincə, təkcə o səhv etmədi. Mənim, hətta Rəşad Sadıqovun da səhvi oldu. Ona görə də yalnız Şehiçin səhvlərini qabartmaq lazım deyil".