Fedor Smolov: Asan qələbə qazanacağımızı düşünsəm də, gərgin sonluq alındı

Rusiyanın "Krasnodar" klubunun hücumçusu Fedor Smolov Avropa Liqasının qrup mərhələsinin ikinci turu çərçivəsində "Qəbələ"yə qarşı keçirdikləri oyunu şərh edib. Azerisport.az xəbər verir ki, o, 2:1 hesabıyla qalib gəldikləri oyundan sonra bunları söyləyib:

"Oyundan öncə məşqçilərlə söhbət etdik və belə razılaşdıq ki, mən sonradan meydana çıxım. Qol vurmaq tapşırığı almışdım. Allaha şükürlər olsun ki, buna nail oldum. Rəqibdən belə oyun gözləyirdikmi? Hesab edirəm ki, Avroliqada asan rəqib yoxdur. Düzdür, oyunun əvvəli bizim üçün uğurlu alındı. Asan qələbə qazanacağımızı düşünürdüm. Amma matçın sonluğu çox gərgin keçdi. Yaxşı ki, qələbə qazanmağı bacardıq".