"Reynaldo ilə Armenterosa qarşı ayıq-sayıq olmalıyıq"
Belçikanın "Anderlext" klubunun meneceri German van Holsbek Avropa Liqasının qrup mərhələsi çərçivəsində "Qarabağ"a qarşı keçirəcəkləri oyun öncəsi fikirlərini açıqlayıb. Azerisport.az xəbər verir ki, o, bunları söyləyib:
"Qazaxıstan və Azərbaycan kimi ölkələrdə futbol hazırda inkişafdadır. Rəqib barədə ətraflı məlumatın olmaması isə xüsusi amillərdəndir. Rəqibimizə hörmətlə yanaşırıq. Uğursuzluqla üzləşsək, buna heç nə ilə bəraət qazandıra bilmərik. Avropada uğur qazanmaq istəyiriksə, xalla qazanmalıyıq. "Qarabağ"ın heyətində iki sabiq futbolçumuz - Reynaldo və Samuel Armenteros çıxış edir. Onlarla qarşı ayıq-sayıq olmalıyıq. Çünki belə oyunçular keçmiş komandalarına qarşı daha ciddi motivasiya ilə oynayırlar, ən yaxşı oyunlarını sərgiləyirlər".
