Ramin Quliyev: Qəbələnin Krasnodarla matçı heç-heçə bitəcək
Azərbaycan yığmasının və "Qəbələ"nin sabiq futbolçusu Ramin Quliyev Avropa Liqasının qrup mərhələsi çərçivəsində Rusiya "Krasnodar"ına qarşı səfər oyunu öncəsi fikirlərini açıqlayıb. Azerisport.az saytına açıqlamasında o, bunları söyləyib:
"Mənə elə gəlir ki, "Krasnodar" - "Qəbələ" matçı heç-heçə bitəcək. "Qəbələ" artıq istənilən rəqiblə oynaya biləcəyini sübut edib. Komandaların şanslarının bərabər olduğunu düşünürəm. "Krasnodar" güclü komandadır. Amma "Qəbələ"nin heyəti yaxşı nəticəyə ümid yaradır. Məncə, komandamız PAOK-la görüşdə də xoş təsir bağışladı. Yunanıstan klubuna qarşı sərgilədiyimiz oyunla "Krasnodar"dan xal almaq olar. Qələbə qazanmaq da mümkündür. "Krasnodar"la oyundan sonra komandamızın qrupdan çıxmaq şansının nə dərəcədə çox olduğu daha da dəqiqləşmiş olacaq. Birinci yeri Dortmund "Borussiya"sının tutacağı şübhəsizdir. "Qəbələ" isə PAOK və "Krasnodar"la birgə ikinci yeri tutmağa çalışacaq. Allah eləsin ki, "Qəbələ" daha uğurlu çıxış etsin".
