Silvio Proto: Qarabağla oyunda xal itkisini kompensasiya etməliyik

Belçikanın "Anderlext" klubunun qapıçısı Silvio Proto Avropa Liqasının qrup mərhələsi çərçivəsində "Qarabağ"a qarşı keçirəcəkləri oyun öncəsi fikirlərini açıqlayıb. Azerisport.az xəbər verir ki, o, bunları söyləyib:

"Yola düşmək üçün erkən oyanmağımız lazımdır. Yolçuluğumuz beş saatdan artıq vaxt aparacaq. Belə uzun yolçuluqdan sonra bizi ağır oyun gözləyir. Yaxşı çıxış etməyimiz və lazım olan nəticəni qazanmağımız lazımdır. "Monako" ilə oyunda itirdiyimiz iki xalı Bakıdakı görüşdə kompensasiya etməyimiz lazımdır".