Anyete: Qarabağın bizimlə oyunda gücünə qənaət etdiyini düşünmürəm
"Neftçi"nin hücumçusu Anyete Topaz Premyer Liqasının 6-cı turu çərçivəsində "Qarabağ"a qarşı keçirdikləri oyundan (1:1) sonra azerisport.az saytının suallarını cavablandırıb.
- Maçtla bağlı fikirlərinizi bilmək istərdik...
- Biz bu oyunda qələbəyə layiq idik. Nə baş verdiyini hamı gördü. Rəqib güclü idi. Amma buna baxmayaraq, biz yaxşı futbol nümayiş etdirdik.
- Matçın son dəqiqəsində penalti var idi?
- Orada penalti yox idi. Ən azından mən belə düşünürəm.
- "Nefçi"nin xeyli qol şansını boşa verməsinə nə səbəb oldu?
- Şəxsən mənim qol vurmaq şansım olmadı. Ona görə də bu barədə danışa bilmərəm.
- Araz Abdullayevin zədələnərək meydanı tərk etməsi oyununuza təsir etdi?
- Araz bizim üçün vacib oyunçudur. Amma əvəzetmələrimiz də özünü doğrultdu. Biz meydanı tərk edənlərin yoxluğunu hiss etmədik.
- "Neftçi"nin futbolçuları qol vurandan sonra tez-tez yerdə qalırdı. Vaxt öldürürdünüz?
- Bu barədə çox danışmayacağam. Belə təkcə bizdə olmur. Bizə qarşı da belə oynayırlar.
- "Qarabağ"ın Avropa Liqasının qrup mərhələsində qarşılaşacağı Belçika "Anderlext"i ilə oyuna görə sizə qarşı tam güclə oynamadığı bildirilir. Bu fikrə münasibətiniz necədir?
- Mən bu fikirlə razılaşmıram. Onların qarşısındakı "Neftçi" idi.
