Samir Musayev: Qarabağ qrup mərhələsindəki rəqibləri ilə mübarizə apara bilər

"Qarabağ"ın sabiq futbolçusu Samir Musayev Ağdam klubunun İngiltərə "Tottenhem"inə qarşı keçirdiyi oyundan və qrupdan çıxmaq şanslarından danışıb. Azerisport.az saytına açıqlamasında o, bunları söyləyib:

"Qarabağ" məğlub olsa da (1:3), pis oynamadı. Sadəcə, "Tottenhem" komandamızı sürətdə üstələdi. Futbolçularımız öz bacarıqlarını nümayiş etdirdilər. Amma bu, uğur qazanmaq üçün bəs etmədi. İngiltərə klubunun üzvləri çox sürətli hücumlar qururdular və müdafiə xəttimiz çatdırmırdı. "Qarabağ"ın hücumları zamanı isə soyyuqqanlılıq çatışmırdı. Şanslara gəlincə, fikrimcə, bu rəqiblərlə mübarizə aparmaq olar. "Anderlext"ə qarşı yaxşı oynayıb, qalib gəlsək, davamı daha yaxşı olar".