Laşa Kasradze: Qəbələyə iki qoldan daha artığını vura bilərdik

"İnter"in müdafiəçisi Laşa Kasradze Topaz Premyer Liqasının 4-cü turu çərçivəsində "Qəbələ" üzərində qazandıqları qələbəni (2:1) şərh edib. Azerisport.az saytına açıqlamasında o, bunları söyləyib:

"Oyun çox maraqlı keçdi. "Qəbələ" yaxşı oynadı. Amma biz onları öz meydanımızda qəbul edirdik və buna görə qələbə qazanmağa, daha yaxşı oynamağa borclu idik. Matça yaxşı başladıq, rəqib qapısı qarşısında təhlükəli vəziyyətlər yaratmağa başladıq. Amma həmin epizodların yalnız ikisindən yararlana bildik. Halbuki, "Qəbələ"yə iki qoldan daha artığını vura bilərdik. Çempionat hələ qarşıdadır. "Qəbələ"yə isə Avropa Liqasında uğurlar arzulayıram".