Qarabağ öncə Londona, sonra Gəncəyə yollanacaq

"Qarabağ" bu gün Londona yollanacaq. Azerisport.az xəbər verir ki, Ağdam klubu çarter reysi ilə saat 18:00-da səfərə çıxacaq.

Qeyd edək ki, "Qarabağ" sentyabrın 17-də səfərdə İngiltərənin "Tottenhem" klubunun qonağı olacaq. Sözügedən matç "Uayt Hart Leyn" stadionunda baş tutacaq və yerli vaxtla saat 21:05-də (Bakı vaxtı ilə 00:05) start götürəcək.

Ağdam klubu Londondan birbaşa Gəncəyə qayıdacaq. Çünki komanda sentyabrın 20-də Topaz Premyer Liqasının 5-ci turu çərçivəsində "Kəpəz"in qonağı olacaq.