Nika Kvekveskiri: Əminəm ki, İnter Avroliqada layiqli mübarizə aparacaq
"İnter"in yarımmüdafiəçisi Nika Kvekveskiri Topaz Premyer Liqasının 4-cü turu çərçivəsində "Qəbələ"yə qarşı keçirdikləri oyundan (2:1) danışıb. Azerisport.az saytına açıqlamasında o, bunları söyləyib:
"Çox çətin oyun oldu. "Qəbələ" güclü komandadır. Bu oyuna ciddi hazırlaşmışdıq. "Qəbələ" həm hücum, həm də müdafiə baxımından güclü təsir bağışlayır. Amma rəqibin oyununu yaxşı analiz etməyimiz işimizə yaradı. "Qəbələ"nin birinci hissədə qol vurmaq üçün yaxşı şansları oldu. Amma bizim bəxtimiz gətirdi. İkinci hissədə isə biz yüz faizli qol epizodundan yararlana bilmədik. Buraxdığımız qol isə diqqətsizliyin nəticəsi idi. Həmin epizodda az qala uşaq səhvinə yol verdik. Belə qol buraxmamalıydıq. Konsentrasiyanı itirdik. Amma ruhdan düşmədik. Əksinə, elə oynadıq ki, "Qəbələ" məğlubiyyətdən qaça bilmədi. Onlara Avropa Liqasının qrup mərhələsində uğurlar arzulayıram. Əminəm ki, layiqli mübarizə aparacaqlar".
