Vüqar Nadirov Qəbələdə

“Qəbələ” heyətinə daha bir futbolçu qatıb. Azerisport.az xəbər verir ki, "qırmızı-qaralar" Azərbaycan millisinin futbolçusu Vüqar Nadirovu rənglərinə bağlıyıb.

Hücumçu ilə 2015-ci ilin sonunadək anlaşma əldə olunub. 28 yaşlı hücumçu “Qəbələ”yədək “Qarabağ” (2001-2005, 2009-2015), "Xəzər Lənkəran" (2005-2008) “Masallı” (2008) və “Karvan"da (2008-2009) çıxış edib. 2015-ci ilin yayında “Xəzər Lənkəran”a keçən Nadirov Azərbaycan milli komandasında 61 qarşılaşmada 4 qol vurub.

Qeyd edək ki, Nadirov "Xəzər Lənkəran"dan bir neçə gün öncə bu kluba FİFA tərəfindən qoyulmuş transfer qadağasına görə ayrılıb.