FİFA Xəzər Lənkərana sərt cəza verdi: Yeni transferlər növbəti ildən oynaya bilər

Bu gün "Xəzər Lənkəran" rəhbərliyi mətbuat konfransı keçirib. Azerisport.az xəbər verir ki, həmin toplantıda bəyan olunub ki, FİFA-nın qoyduğu transfer qadağasının müddəti başa çatmayıb.

Daha doğrusu, dünya futbol qurumu həmin müddətin qışda, yəni 2016-cı ilin yanvar ayında başa çatacağını diqqətə çatdırıb. Artıq bununla bağlı FİFA-dan cənub klubuna rəsmi məktub da göndərilib.

Qeyd edək ki, "Xəzər Lənkəran" bu yay Pavel Kapsa, Ruslan Abışov, Rəşad Eyyubov, Dieqo Souza, Vüqar Nadirov və Limam Seydini transfer etmişdi.