Vaqif Sadıqov: Maltadan mütləq 3 xalla qayıtmalıyıq

Azərbaycan yığmasının sabiq baş məşqçisi Vaqif Sadıqov millimizin AÇ-2016-nın seçmə mərhələsi çərçivəsində Maltaya qarşı oyunu öncəsi fikirlərini bölüşüb. Azerisport.az saytına açıqlamasında o, bunları söyləyib:

"Hər iki komanda son matçını qrupun liderlərinə qarşı keçirib. Psixoloji cəhətdən yığmamızın üstün olduğunu demək olar. Çünki maltalılar son oyunda uduzduğu halda, biz yaxşı oyunla xal qazana bilmişik. Öz oyunumuzu göstərməyə davam etməli və mütləq qələbə ilə dönməliyik. İndi biz təkcə bu seçmə mərhələdəki nəticələrimizi yox, həm də gələcəyi düşünməliyik. Bu seçmə mərhələdə qazanılan qələbələr, uğurlar növbəti tsikldəki uğurlar üçün bir təkan olmalıdır".