Qarabağ makedoniyalı müdafiəçi transfer etdi

"Qarabağ" heyətinə daha bir futbolçu qatıb. Azerisport.az xəbər verir ki, Ağdam klubu makedoniyalı müdafiəçi Vladimir Dimitrovskini transfer edib.

27 yaşlı futbolçu ilə iki illik müqavilə imzalanıb.

Qeyd edək ki, Dimitrovskinin son klubu Yunanıstan "Kerkira"sı olub. Makedoniya yığmasına da dəvət olunan müdafiəçi vaxtilə "Vardar", "Vesterlo" (Belçika), "Kementarniça", "Sesvete" (Xorvatiya), "Metallurq" (Skopye), "Mlada Boleslav" (Çexiya), "Rabotniçki" kimi klublarda da çıxış edib.