Qarabağla Qəbələ nə qədər qazanc əldə etdi?

Avropa Liqasının qrup mərhələsinə vəsiqə qazanması "Qarabağ"la "Qəbələ"nin maddi durumunu daha da yaxşılaşdırmasına şərair yaradıb. Azerisport.az xəbər verir ki, hər iki klubumuz qrup mərhələsinə yüksəlməsinə görə UEFA-dan 2 400 000 avro gəlir əldə edəcək.

Qrup mərhələsində uğurlu çıxış etməklə klublarımız bu gəlirlərini daha da artıra bilərlər. Belə ki, bundan sonra qazanılacaq hər bir qələbə "Qarabağ"la "Qəbələ"yə əlavə 360 000 avro qazandıracaqsa, heç-heçə 120 000 ilə qiymətləndiriləcək. Qrup qalibi olacaq komandalar 500 000 avro gəlir əldə edəcəksə, ikinci yeri tutanlar 250 000 avro irəli düşəcək.

"Qəbələ" Avroliqanın bütün təsnifat mərhələlərində iştirak etdiyinə və uğur qazandığına görə əlavə 860 000 avro da qazanacaq.