Vüqar Əsgərov bu dəfə het-trikə imza atdı

Latviya 1-ci liqasında 19-cu turun oyunları keçirilib. Azerisport.az xəbər verir ki, Azərbaycan yığmasının sabiq hücumçusu Vüqar Əsgərovun komandası - "1625 Liepaya" klubu da növbəti matçına çıxıb.

Sözügedən klub səfərdə "Preilu" ilə qarşılaşıb. Matç futbolçumuzun komandasının 4:3 hesablı qələbəsi ilə başa çatıb. Start heyətdə meydana çıxan və sonadək mübarizə aparan Vüqar bu görüşdə het-trikə imza atıb.

Qeyd edək ki, bu, Əsgərovun yenicə keçdiyi və hər oyununda fərqləndiyi "1625 Liepaya" klubundakı 9-cu qoludur. Onun komandası isə 43 xalla 16 klub arasında 4-cü pillədə qərarlaşıb.