"Riçard Almeydanın qolu mənim Olimpikə vurduğum qolu kölgədə qoydu"
"Qarabağ"ın sabiq müdafiəçisi Zaur Həşimov bu komandanın Avropa Liqasının pley-off mərhələsi çərçivəsində İsveçrə "Yanq Boyz"una qarşı keçirdiyi ilk oyundan, eləcə də Riçard Almeydanın vurduğu möhtəşəm qoldan danışıb. Azerisport.az saytına açıqlamasında o, bunları söyləyib:
"Almeydanın qolu mənim o vaxtkı "Olimpik"ə (indiki AZAL) vurduğum qolu kölgədə qoydu (gülür). Bunu komandadakı uşaqlara da dedim. Bu qələbə həm "Qarabağ", həm də Azərbaycan üçün vacib idi. Şəxsən öz adımdan futbolçuların hamısına təşəkkürümü bildirirəm. Onlar bizə inanılmaz hisslər, sevinc bəxş etdilər. Amma təbii ki, bu qələbə hələ komandamızın qrup mərhələsinə vəsiqəni təmin etdiyi anlamına gəlmir. Qurban Qurbanovun da dediyi kimi, Bakıdakı görüş daha çətin keçəcək. Ümid edirəm ki, gələn həftə qrup mərhələsindəki mümkün rəqibləri müzakirə edəcəyik".
