Panatinaikosun zədə alan futbolçusu Bakını bazar günü tərk edə biləcək

Xəbər verdiyimiz kimi, Avropa Liqasının pley-off mərhələsi çərçivəsində "Qəbələ" ilə qarşılaşma zamanı ağır zədə alan Yunanıstanın "Panatinaikos" klubunun futbolçusu Robin Lod Bakıdakı xəstəxanalardan birinə yerləşdirilib və Afina təmsilçisi ilə qayıda bilməyib. Azerisport.az xəbər verir ki, Yunanıstan klubunun baş məşqçisi Yannis Anastasiu futbolçunun bir gün sonra Afinaya qayıdacağını bildirmişdi.

Amma bu gün onun zədəsinin daha ağır olduğu və daha bir neçə gün Azərbaycan paytaxtında qalacağı dəqiqləşib. Belə ki, "Panatinaikos"un futbolçusu xəstəxananı bazar günü tərk edə biləcək. Yalnız ondan sonra Lod Yunanıstana aparılacaq.

Qeyd edək ki, həkim müayinəsindən sonra Robin Lodun qabırğasında çat aşkarlanıb.