Yannis Anastasiu: Robin Lod Bakıda qalacaq və bizimlə qayıda bilməyəcək

Yunanıstanın "Panatinaikos" klubunun baş məşqçisi Yannis Anastasiu Avropa Liqasının pley-off mərhələsi çərçivəsində "Qəbələ"yə qarşı keçirdikləri ilk oyundan sonra bəyan edib ki, zədələnən Robin Lod onlarla birgə Afinaya qayıda bilməyəcək. Azerisport.az xəbər verir ki, o, 0:0 hesabıyla başa çatan görüşdən sonrakı mətbuat konfransında oyunçularının Lodu ayağa qaldırmağa kömək etmək istəyən Arif Daşdəmirova qarşı kobudluq etmələrinə də münasibət bildirib:

"Bu, oyundur. Futbolda hər şey ola bilər. Futbolçularımız oyunçumuzun yerdə necə əziyyət çəkdiyini görürdülər. Çox güman ki, buna görə elə alındı. Amma oyun epizodu idi. Lodu artıq xəstəxanaya aparıblar və sabaha qədər orada qalacaq. Əfsuslar olsun ki, o, bizimlə qayıda bilməyəcək".