Nikos Marinakis: Qəbələ üç mərhələ keçibsə, deməli, güclü rəqibdir

Yunanıstanın "Panatinaikos" klubunun hücumçusu Nikos Marinakis Avropa Liqasının pley-off mərhələsi çərçivəsində "Qəbələ"yə qarşı keçirəcəkləri ilk oyun öncəsi fikirlərini açıqlayıb. Azerisprot.az xəbər verir ki, o, bunları söyləyib:

"Qəbələ" güclü komandadır. Rəqibimiz Avropa Liqasında üç mərhələ keçib. Ona görə də bizə güclü rəqib düşdüyünü demək olar. Amma biz də uğur qazanmaq üçün maksimum güc sərf edəcəyik. Asan olmayacaq. Maykl Essyen də daxil olmaqla bəzi futbolçularımızın olmaması bizim üçün itkidir. Amma bu, bizim üçün yenilik deyil. Hazırda heyətdə yer alan futbolçularla da uğur qazana bilərik".