Qarabağ İsveçrəyə çatdı

Avropa Liqasının pley-off mərhələsi çərçivəsində İsveçrənin "Yanq Boyz" klubunun qonağı olacaq "Qarabağ" artıq Berndədir. Azerisport.az xəbər verir ki, ötən gün çarter reysi ilə səfərə yollanan Ağdam təmsilçisi təxminən 5 saatlıq yolçuluqdan sonra İsveçrə paytaxtına çatıb.

Baş məşqçi Qurban Qurbanov bu gün Berndə oyunun keçiriləcəyi arenada mətbuat konfransı keçirəcək, eləcə də futbolçularını son məşqə çıxaracaq.

Qeyd edək ki, "Yanq Boyz" - "Qarabağ" matçı avqustun 20-də keçiriləcək və saat 23:00-da start götürəcək.