Səməd Qurbanov: Neftçi üçün altı legioner çoxdur

"Neftçi"nin Müşahidə Şurasının üzvü Səməd Qurbanov növbəti legioner transfer etmələrinə münasibət bildirib. Azerisport.az saytına açıqlamasında o, bunları söyləyib:

"Komandada təcrübəli legionerlər olmalıdır. Bu, bizim ancaq xeyrimizə olar. Amma etiraf edim ki, gənclərə üstünlük verən komandada altı legionerin olması çoxdur. Azarkeşlərimiz isə nəticə tələb edir. Premyer Liqada ancaq gənc futbolçularla kifayətlənmək də çətindir. Fikrimcə, zaman keçdikcə, hər şey yaxşı olacaq".

Qeyd edək ki, bu mövsüm "Neftçi"nin heyətində Aylton, Xuan Alberto, Kaue, Erik Ramos kimi futbolçularla yanaşı Mixail Peskoviç və Antonio Salas da çıxış edəcək.