Rəvan rəsmisi: Sizi əmin edirəm ki, bir daha belə hal təkrarlanmayacaq

"Rəvan"ın icraçı direktoru Fizuli Əliyev Topaz Premyer Liqasının 2-ci turu çərçivəsində "Qarabağ"a qarşı ev oyununda topdaşıyan uşaqların "Neftçi"nin formasını geyinməsinə münasibət bildirib. Azerisport.az saytına açıqlamasında o, bunları söyləyib:

"Bunu klubda müzakirə etdik. Bu, klubun administratorunun diqqətsizliyidir. Yəqin ki, o, uşaqların geyindiyi formalara fikir verməyib və sadəcə, onlara şəffaf çiyin örtükləri paylayıb. Həmin uşaqlar bizim futbol məktəbimizin yetirmələridir. Sadəcə, yenidirlər. Bu, klub tərəfindən ciddi səhvdir. Oyunlar zamanı hər kəs "Rəvan"ın geyim dəstlərindən yararlanmalıdır. Sizi əmin edirəm ki, bir daha belə hal təkrarlanmayacaq".