Millimizin müdafiəçisi oynadı, komandası məğlub oldu

İsveç çempionatında 20-ci turun oyunları keçirilib. Azerisport.az xəbər verir ki, Azərbaycan yığmasının müdafiəçisi Emin Nurinin komandası - "Kalmar" da növbəti matçına çıxıb.

Sözügedən klub səfərdə AİK-in qonağı olub. Görüş futbolçumuzun komandasının 1:2 hesablı məğlubiyyəti ilə başa çatıb. Start heyətdə meydana çıxan Emin sonadək mübarizə aparıb. O, 84-cü dəqiqədə sarı vərəqə də alıb.

Qeyd edək ki, "Kalmar" hazırda 22 xalla 16 klub arasında 11-ci pillədə qərarlaşıb.