Dmitri Kramarenko: 33 yaş qapıçı üçün normal yaş həddidir
“Neftçi”nin qapıçılar üzrə məşqçisi Dmitri Kramarenko Mixal Peskoviçin transferi ilə bağlı fikirlərini bildirib. Azerisport.az xəbər verir ki, o, klub saytına açıqlamasında bunları söyləyib:
“Bildiyiniz kimi qapıçı mövqeyinə axtarışlarımız davam edirdi. Təlim-məşq toplanışı dövründə də bir neçə namizədə baxmışdıq. Amma onların səviyyəsi bizi qane etməmişdi. Slovakiyalı Mixal Peskoviç təcrübəli qapıçıdır. 33 yaş qapıçı üçün normal yaş həddidir. Fikrimcə, o, komandaya kömək edə bilər. Aqil Məmmədov da getdikcə daha yaxşı forma yığır. Maksim Vayloya ümidlərimiz böyükdür. Sadəcə olaraq Maksim gəncdir və onu ağır oyunlara birdən-birə buraxıb yükləmək düzgün olmaz. İki təcrübəli qapıçının əhatəsində məşq etmək Maksimə da faydalı olacaq. İstəyirik ki, qapıçılar arasında daha güclü rəqabət olsun. Çempionat uzun marafondur. Futbolda cəzalar və zədələr qaçılmazdır. Bu baxımdan heyətdə 3 qapıçının olması xeyrimizədir”.
