Aqil Məmmədov: Mövsümdəki ilk qələbəmizi qazanmaq istəyirik
"Sumqayıt"ın baş məşqçisi Aqil Məmmədov Topaz Premyer Liqasının 2-ci turu çərçivəsində "Xəzər Lənkəran"a qarşı keçirəcəkləri oyundan danışıb. Azerisport.az saytına açıqlamasında o, bunları söyləyib:
"Həmişə olduğu kimi, yenə də meydana qələbə üçün çıxacağıq. Amma "Xəzər Lənkəran" bu mövsümə çox ciddi yanaşır. İlk turda onlar "İnter"ə qalib gəliblər. Əminəm ki, bu qələbə onların düşərgəsində psixoloji vəziyyəti daha da yaxşılaşdırıb. Lakin biz də bu turda cari mövsümdəki ilk qələbəmizi qazanmağı planlaşdırırıq. Rəqib komandanın yeni transferləriz zəif olduğunu düşünmürəm. Elə həmin heyət ötən həftə "İnter" kimi ciddi rəqibə qalib gəldi. "Xəzər Lənkəran"ın gəncləri özlərini yaxşı tərəfdən göstərirlər. Onlarla oyun bizə asan olmayacaq. Çünki "Xəzər Lənkəran" hazırda Azərbaycanın ən yaxşı komandalarından biridir".
