Yanq Boyzun futbolçusu: Qarabağı keçə bilməməyimiz İsveçrədə narazılıq yaratmayacaq
Avropa Liqasının pley-off mərhələsi çərçivəsində "Qarabağ"ın rəqibi olan İsveçrənin "Yanq Boyz" klubunun forvardı Taulyant Süleymanovun azerisport.az saytına müsahibəsi
- İsveçrə çempionatının son turunda cari mövsümdəki ilk məğlubiyyətinizi aldınız. Debütanta məğlubiyyətinizə nə səbəb oldu?
- İsveçrə çempionatında "debütant", "autsayder" anlayışı yoxdur. Bütün klublar birini yer uğrunda mübarizə aparır. "Luqano"ya qarşı pis oynamadıq. Sadəcə, qol vəziyyətlərindən yararlana bilmədik. Rəqib isə müdafiədəki səhvimizdən maksimum yararlandı.
- Gələn həftə sizi "Qarabağ"la ilk oyun gözləyir...
- Bilirəm ki, asan olmayacaq. Pley-off mərhələsində zəif komandalar olmur. Biz çox yaxşı hazırlaşmalıyıq.
- "Qarabağ" haqda məlumatınız var?
- Bəli. Bilirik ki, Azərbaycan çempionu olub, ötən mövsüm Avropa Liqasının qrup mərhələsində oynayacaq. "Qarabağ"ın heyətində çoxlu güclü futbolçu var.
- Bu cütdə hansı komandanı favorit hesab edərdiniz?
- Hər iki komanda Avropa Liqasının qrup mərhələsində oynamaq istəyir. Ona görə də bu mərhələdə favoritin kimliyi elə də önəmli rol oynamır. Qrup mərhələsində isə hansı komanda çox arzulayırsa, o kollektiv oynayacaq.
- "Yanq Boyz" "Qarabağ" səddini keçə bilməsə, bu, İsveçrədə narazılıqla qarşılanmayacaq?
- Klubunuzun qələbə qazanması bizim üçün narazılığa səbəb olmamalıdır. Futbolda hər şey ola bilər. "Qarabağ" ötən mövsüm Avroliqanın qrup mərhələsində oynamış komanadır. Ciddi rəqiblərə qarşı çox layiqli mübarizə aparıb. Amma təbii ki, biz də mərhələ adlamağa çalışacağıq.
- İlk oyunun İsveçrədə keçirilməsi sizin üçün hansısa üstünlük yaradır?
- Düşünmürəm. Mərhələ iki oyundan ibarətdir. Elə komandalar var ki, evdə yaxşı oynaya bilmir, amma səfərdə əla çıxış edir. Əlbəttə, doğma meydanda oynamaq yaxşıdır. Amma mənə elə gəlir ki, hər iki oyun eyni dərəcədə əhəmiyyət daşıyır.
