Randjeloviç: Qəbələnin qrup mərhələsinə düşməsi üçün bizə qarşı Bakıda oynadıqları kimi mübarizə aparması lazımdır

Serbiyanın "Çukariçki" klubunun müdafiəçisi Marko Randjeloviç bəyan edib ki, onları Avropa Liqasında mübarizədən kənarlaşdıran "Qəbələ"nin pley-off mərhələsində Yunanıstan "Panatinaikos"u ilə şansları eynidir. Azerisport.az saytına açıqlamasında o, bunları söyləyib:

"Bizimlə cavab oyununda meydanda tamamilə fərqli "Qəbələ" var idi. Onlar evdə çox yaxşı oynadılar və layiqli qələbə qazandılar. Bilirəm ki, onların "Apollon"la oyunları çətin keçib, amma bu komandanı da iki matçın nəticəsinə görə məğlub ediblər. Artıq "Qəbələ"ni "Panatinaikos"la iki oyun gözləyir. Düzünü deyim ki, "Qəbələ"nin bu mərhələyə qədər irəliləyəcəyinə inanmırdım. Amma klubunuz buraya qədər irəliləməyi bacardı. Yunanları favorit saymaq olar. Lakin "Qəbələ"nin də mərhələ keçmək şansının olduğunu düşünürəm. Onlar Bakıda bizə qarşı oynadıqları kimi mübarizə aparsalar, "Panatinaikos"u keçə, qrup mərhələsinə vəsiqə qazana bilərlər".