XL fransalı hücumçu ilə müqavilə imzaladı

"Xəzər Lənkəran"ın yeni transferlərindən olan Limam Seydi Azərbaycana gəlib. Azerisport.az xəbər verir ki, artıq cənub klubu fransalı futbolçu ilə rəsmi müqavilə də imzalayıb.

Bakıda imzalanan müqavilə bir illik nəzərdə tutulub. Lakin Seydi yeni komandasına yalnız sentyabr ayından etibarən kömək edə biləcək.

Qeyd edək ki, "Xəzər Lənkəran"a FİFA tərəfindən transfer qadağası qoyulub. Bu üzdən də cənublular yeni transferlərinin xidmətindən mövsümün ilk üç turunda yararlana bilməyəcək. Limam Seydi də ən yaxşı halda Premyer Liqanın 4-cü turunda cənubluların heyətində debüt matçına çıxa biləcək.