Qəbələnin rəqibi La Liqa klubu ilə üz-üzə

Yunanıstanın "Panatinaikos" klubu bu gün yoxlama oyunu keçirəcək. Azerisport.az xəbər verir ki, Avropa Liqasının pley-off mərhələsində "Qəbələ"nin rəqibi olan bu komanda səfərdə İspaniyanın "Real Sosyedad" klubu ilə qarşılaşacaq.

Matç Bakı vaxtı ilə 23:00-da start götürəcək. Afina klubunun baş məşqçisi bu oyun üçün səfərə 22 futbolçu aparıb.

Qeyd edək ki, "Panatinaikos"la "Qəbələ" arasındakı ilk oyun avqustun 20-da Bakıda, cavab görüşü isə ayın 27-də Afinada keçiriləcək.